Цхинвайлаг боксертæ æрхастой Георгиевскæй цыппар сыгъзæрин æмæ фыццаг командон бынаты

© Из личного архива Владислава ХасиеваЦхинвайлаг боксертæ райстой дыууæ кубок, цыппар сыгъзæрин æмæ фыццаг командон бынат
Цхинвайлаг боксертæ райстой дыууæ кубок, цыппар сыгъзæрин æмæ фыццаг командон бынат - Sputnik Хуссар Ирыстон
Рафыссын
Турниры хуыздæр спортсменыл банымадтой Тыбылты Тамерланы, йæ ахуыргæнæг Хаситы Владислав та райста хуыздæр тренеры ном

ЦХИНВАЛ, 21 май — Sputnik, Плиты Фатимæ. Цхинвалы спорты галуан "Олимп"-ы боксы секцийы хъомылгæнинæгтæ рамбылдтой цыппар сыгъзæрин майданы Советон цæдисы хъайтар Петр Однобоковы номарæн турниры Георгиевскы. Ерысты хуыздæр боксерыл нымад æрцыд уæлахиздзаутæй иу – Тыбылты Тамерлан, фехъусын кодта Sputnik спортсменты тренер Хаситы Владислав.

Цхинвайлаг боксертæ - Sputnik Хуссар Ирыстон
Дыууæ цхинвайлаг боксеры стох кæндзысты Ростовы гом турниры

Тыбылты Тамерланæй дарддæр ма уæлахиздзаутæ ссисты Уалыты Алан, Коцты Георгий æмæ Цхуырбаты Александр, дыккæгтæ та — Бестауты Аслан æмæ Гуыцмæзты Георгий.

"Ахадгæ уыдысты нæ хъомылгæнинæгты æнтыстытæ — цыппар сыгъзæрин, дыууæ æвзист æмæ фыццаг командон бынат. Уымæй дарддæр ма Тыбылты Тамерлан ацы турниры дæр уыд фæзминаг, йæ тохты ныхмæлæууджытæй уыд зынгæ тыхджындæр æмæ йæ рахицæн кодтой "хуыздæр боксер"-ы кубокæй", — загъта тренер.

Уый ма банысан кодта, Бестауты Аслан дæр кæй уыд фыццаг бынаты аккаг, фæлæ йæ тæрхонгæнджытæ сæвæрдтой дыккагыл.

Стыр Фыдыбæстæйон хæсты хъайтар Петр Однобоковы номарæн турнир цыд Георгиевскы. Архайдтой дзы 100 боксерæй фылдæр.

Фæсивæд цæттæ кæнынц Цхинвалы спорты галуан "Олимп"-ы Уæлдæр спортивон дæсныйады скъолайы тренертæ Хаситы Владислав, Гæбæраты Гамлет æмæ Цоциты Эдгары къухдариуæгады бын.

Ног хабӕртты лентӕ
0