ЦХИНВАЛ, 25 май — Sputnik. Дзӕуджыхъӕумӕ ӕрцыд легендарон инӕлар-булкъон Мамсыраты Хадзы-Умары хъӕбулы хъӕбул — Серхио Эрнандес, цӕмӕй хайад райса йӕ дадайы тыххӕй хуыздӕр уацты авторты хорзӕхкӕныны церемонийы, хъусын кӕны газет "Слово".
Мамсыраты Хадзы-Умары тыххӕй фыццаг гом литературон конкурсы уӕлахиздзаутӕ ӕмӕ лауреатты схорзӕх кӕндзысты майрӕмбоны Дзӕуджыхъӕуы. Мадзал нывонд уыд легендарон разӕсгарӕг, партизан, Советон цӕдисы хъайтары 115-азон юбилейӕн.
Конкурсы организатортӕ уыдысты Дзӕуджыхъӕуы бынӕттон хӕдразамынады администраци ӕмӕ Дзанайты Азанбеджы номыл Культурӕйы фонд. Хайад дзы райстой Цӕгат Ирыстоны скъолаты 8-11 кълӕсты ахуырдзаутӕ.
Мамсыраты Хадзы-Умар (1903 — 1968) хайад иста Испаны æмбæстагон хæсты, афтæ ма советон-финнаг æмæ Стыр Фыдыбæстæйон хæстыты. Лæвæрд ын æрцыд Советон Цæдисы хъайтары ном. Испаны Мамсырайы фырты зоныц "булкъон Ксанти"-йæ, йӕ цардвӕндаг ӕмӕ хъӕбатырдзинӕдты бындурыл фыст ӕрцыд Эрнест Хемингуэйы уацмыс "По ком звонит колокол"-ы сӕйраг хъайтары фӕлгонц.
