Дзӕуджыхъӕуы райдыдта националон хъӕзтытӕ ӕмӕ спорты хуызты фестиваль

Рафыссын
Мадзалмӕ ӕрцыдысты спортсментӕ ӕппӕт Цӕгат Кавказӕй, кӕцытӕ дыууӕ боны дӕргъы ӕвдисдзысты сӕ арӕхстдзинад спортивон хъӕбысхӕст, дзюдо, армреслинг ӕмӕ уӕзтӕ исынӕй

ЦХИНВАЛ, 25 май — Sputnik. Дзӕуджыхъӕуы спорты республикон галуан "Манежы" уагъд ӕрцыд националон хъӕзтытӕ ӕмӕ спорты хуызты VIII фестиваль, хъусын кӕны РЦИ-А сӕйраг горӕты администрацийы пресс-службӕ.

Ирон зæрæджы бæрæгбон - Sputnik Хуссар Ирыстон
Ирон зарæджы бæрæгбон: фестиваль æрæмбырд кодта Хуссар Иры стъалыты

Ерыстӕ цӕуынц Цӕгат кавказы федералон зылды ахуырадон уагдӕтты хъомылгӕнинӕгты хсӕн. Дыууӕ боны дӕргъы чызджытӕ ӕмӕ лӕппутӕ ӕвдисдзысты сӕ арӕхстдзинад спортивон хъӕбысхӕст, дзюдо, армреслинг ӕмӕ уӕзтӕ исынӕй.

Фестиваль цӕуы ныр ӕстӕм хатт. Ӕрбакӕныны церемонийы Цӕгат ирыстоны спорт ӕмӕ физикон культурӕйы министр Бӕроты Хасан банысан кодта ахӕм мадзӕлтты ахсджиаг нысаниуӕг ӕмӕ бахахх кодта, спорт ӕиӕ культурӕ кӕй иу кӕнынц алыгъуызон адӕмты фӕсивӕды.

Организаторты ныхӕстӕм гӕсгӕ, мадзалы сӕйраг нысӕнттӕ сты спортивон курдиӕттӕ рабӕрӕг кӕнын, хицӕн регионты фӕсивӕды кӕрӕдзиимӕ иу кӕнын, Цӕгат Кавказы адӕмты культурӕимӕ зонгӕ кӕнын.

Фестивалы уӕлахиздзауты хорзӕх кӕныны ӕмӕ сӕхгӕныны церемони ацӕудзӕн сабаты.

Ног хабӕртты лентӕ
0