ЦХИНВАЛ, 5 июн — Sputnik. Нозтджын нӕлгоймаг нӕ сырӕхст хӕдтулгӕ "УАЗ-Фермер" скъӕрын, сфӕлдӕхт ӕмӕ хӕдтулгӕ ссыгъдис. Уый тыххӕй фехъусын кодта Хуссар Ирыстоны Мидхъуыддӕгты министрады (МХМ) пресс-службӕ.
Цау ӕрцыд 4 июны. Аварийы бынатмӕ ацыдис Дзауы районы Мидхъуыддӕгты управленийы оперативон къорд, РХИ МХМ оперативон-фӕдагуырды къорд ӕмӕ паддзахадон автоинспекцийы къорд.
"Барадхъахъхъӕнӕг органты кусджытӕ, кӕцытӕ ацыдысты цауы бынатмӕ, сбӕрӕг кодтой, Дзауы 59-аздзыд цӕрӕг кӕй нӕ сырӕхст хӕдтулгӕ "УАЗ-Фермер" скъӕрын", — хъусын кӕны уагдон.
Хӕдтулгӕйы ма уыдис Дзауы 85-аздзыд цӕрӕг сылгоймаг, кӕцыйы аластой Цхинвалы рынчындонмӕ буары цӕфтимӕ. Медицион басгӕрст сбӕрӕг кодта, шофыр кӕй уыд нозтджын.
Басгӕрст уадзы Дзауы районы Мидхъуыддӕгты управлени.
