ЦХИНВАЛ, 14 июн — Sputnik. Археолог, Уӕрӕсейы Зонӕдты Академийы материалон культурӕйы Институты палеолиты хайады сӕйраг зонадон кусӕг-консультант Василий Любин амард цыппӕрӕмы, 14 июны, Санкт-Петурбурджы. Уый тыххӕй хъусын кӕны портал "Бумага" ахуыргонды чызг Наталья Любинайы ныхӕстӕ.
Любины чызджы ныхӕстӕм гӕсгӕ, археолог уыд рынчындоны, цы ран ӕнӕнхъӕлӕджы ӕрлӕууыдис йӕ зӕрды куыст.
Любин уыд фыццаг археолог, кӕцы ссардта Хуссар Ирыстоны Къуыдаргомы лӕгӕтты рагон адӕймаджы лӕууӕндӕттӕ. Афтӕмӕй ахуыргонд нымадта ацы ссард йӕ иууыл сӕйрагдӕр профессионалон ӕнтыстыл йӕ царды. Любин ссардта лӕгӕт "Кударо I" Хуссар Ирыстоны территорийыл 1955 азы — йӕ мидӕг ын ссардтой хъӕздыг археологон ӕрмӕг, кӕцы ссис Кавказы рагон культурӕты райрӕзты концепцийы бындур.
2018 азы январы ахуыргондыл сӕххӕст 100 азы. Йӕ куыст куы фӕцис быдырон уавӕрты 2016 азы, уӕд дарддӕр дӕр куыста зонады райрӕзты нысанӕн.
