ЦХИНВАЛ, 6 июл — Sputnik. Цӕгат Ирыстоны командӕ тхэквондойӕ рамбылдта 10 хорзӕхы Цӕгат Кавказы Федералон зылды чемпионаты 2004-2006 ӕзты гуырд лӕппутӕ ӕмӕ чызджыты хсӕн, кӕцы цыд 1-3 июлы Нальчикы. Уый тыххӕй фехъусын кодта республикӕйы спорты министрады пресс-службӕ.
Чемпионаты уӕлахиздзау ссис Давид Комисаров (+65кг). Артур Михайлян (49кг) ӕмӕ Кӕркуысты Артур (57кг) та рамбылдтой ӕвзист майдантӕ.
"Ӕртыгкаг къӕпхӕнмӕ схызтысты 7 спортсмены — Давид Баратов (45кг), Кирилл Потапов (53кг), Козаты Тимофей (57кг), Елизавета Козлова (29кг), Гулуты Милана (37кг), Томайты Аланӕ (41кг) ӕмӕ Тъотъоты Амина (44кг)", — бафтыдтой уагдоны.
Командӕйы тренертӕ сты Авет Оганесянц, Астан Николов, Солтамты Солтан, Баграт Кайшаури и Рашид Шоров.
