ЦХИНВАЛ, 23 июл — Sputnik. Дзӕуджыхъӕуы ӕрцыд зынгивӕрзт базары "Фарн"-ы, кӕцыйы фӕзуат у 300 квадратон метр, хъусын кӕны Цӕгат Ирыстоны Уӕлвӕткон уавӕрты министрады (УУМ) пресс-службӕ. Ирвӕзынгӕнджыты информацимӕ гӕсгӕ, зынгивӕрзт райдыдта хъахъхъӕнджыты уаты знон изӕр, 22 июлы.
"Зынгфӕдисонтӕ цауы бынатмӕ куы бацыдысты, уӕд сбӕрӕг кодтой, зӕгъгӕ, Дзӕуджыхъӕуы, Зӕнджиаты Викторы уынгыл, "Фарн" базары, ссыгъд хъахъхъӕнджыты хатӕн ӕмӕ павильоны цар 300 квадратон метр фӕзуатыл", — дзырдӕуы уагдоны хъусинаджы.
УУМ банысан кодтой, зӕгъгӕ, зынгивӕрзты фӕстиуӕгӕн зианбаййафджытӕ нӕй. Арты ныхмӕ тох кодтой 52 адӕймаджы ӕмӕ техникӕйы 13 иуӕджы.
