Президенты æххуысгæнæг радзырдта, куыд банысан кæндзысты Цхинвалы банымады бон

© Sputnik / Ада БагианДень Флага в Южной Осетии
День Флага в Южной Осетии - Sputnik Хуссар Ирыстон
Хуссар Ирыстоны президенты æххуысгæнæг Гæззаты Дауыт æрдзырдта банымадыл дæс азы сæххæсты цытæн бæрæгбонон мадзæлттыл

ЦХИНВАЛ, 15 авг — Sputnik. Хуссар Ирыстон цæттæ кæны республикæйы хæдбардзинады банымадыл дæс азы сæххæсты бæрæгбонмæ, горæт йæхи цæттæ кæны дунейы алы къуымтæй уазджытæ райсынмæ, радзырда Sputnik йæ интервьюйы президенты æххуысгæнæг Гæззаты Дауыт.

"Цхинвалы стадион суыдзæн бæрæгбонон нывæзт "Южная Осетия: История мужества" –йы фæзуат. Уый уыдзæн Ирыстоны историйы реконструкци Аланты паддзахадæй абоны онг", — загъта Гæззаты Дауыт.

Ацы равдысты архайдзæн дыууæ мин адæймаджы онг. Цхинвалы цæрджытæ æмæ уазджытæм æнхъæлмæ кæсы бæрæгбонон концерт æмæ салют.

Спортшкола Цхинвал - Sputnik Хуссар Ирыстон
Банымады бонмӕ: Спортшколӕ райсдзӕн ног хуыз

"Уазджытæ æрцæудзæн тынг бирæ: бæрæгбоны хæдразмæ ацæудзæн æппæтирон змæлд "Стыр Ныхас"-ы уанел. Уымæй дарддæр нæм фæуазæг уыдзысты сæдæ адæймагæй фылдæр, се ʻхсæн уазджытæ Сири, Донецк, Луганск, Арцах, Абхаз æмæ Уæрæсейæ. Ӕнхъæлмæ кæсæм уазджытæм Сербаг Республикæйæ æмæ Цæгат Кавказы республкæтæй", — бафтыдта президенты æххуысгæнæг.

Хуссар Ирыстоны хæдбардзинады банымады бон Уæрæсейы æрдыгæй нысан цæуы 26 августы — раст уыцы бон 2008 азы Уæрæсейы Федераци банымадта Хуссар Иры хæдбардзинад. Уый фæстæ Уæрæсейы бафæзмыдтой Никарагуа, Венесуэла, Науру æмæ Сири.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала