ЦХИНВАЛ, 16 авг — Sputnik. Хуссар Иры мидхъуыддæгты министрады куысджытæ агурынц хæдтулгæ "Lexus GX-470" шофыры, кæцы фæтары ис аварийы бынатæй Цхинвалы, хъусын кæны уагдоны пресс-службæ.
ФТЦ ʻрцыд æхсæвы фыццаг сахатыл сæйраг сахары. МХМ бæрæггæнæнтæм гæсгæ, Гуыбаты æфсымæрты уынгыл сæмбæлдысты дыууæ хæдтулгæ — ВАЗ-2109 æмæ "Lexus GX-470", кæцыйæн йæ шофыр фæтары ис аварийы бынатæй.
Аварийы фæстиуæгæн ВАЗы шофыр æмæ йæ бæлццон бахаудтой рынчындонмæ. Зианбаййафæг шофыр уыд нозтджын.
"Lexus GX-470" бакодтой Паддзахадон автоинспекцимæ. Мидхъуыддæгты министрады куысджытæ агурынц хæдтулгæ "Lexus GX-470" шофыры, кæцы фехæлдта барадон нормæтæ ФТЦ-ы бынатæй ацæугæйæ.
