ЦХИНВАЛ, 31 авг — Sputnik. Хуссар Ирыстоны столицӕйы цӕрӕг цыппӕрӕмы, 30 августы, амардта йӕхи йӕ хӕдзары Цхинвалы районы Мамысанты хъӕуы, хъусын кӕны республикӕйы Мидхъуыддӕгты министрады (МХМ) пресс-службӕ.
Цхинвалы районы мидхъуыддӕгты хайадмӕ цауы тыххӕй информаци куы ӕрбацыд, уӕд цауы бынатмӕ уайтагъд ацыдысты республикӕйы оперативон-сгарӕн къорд ӕмӕ генералон прокуратурӕйы фӕдагурджытӕ.
Цхинвалы 37-аздзыд цӕрӕджы мӕрдон буары басгӕрсты рӕстӕджы не ссардӕуыд тыхмарды миниуджытӕ, банысан кодтой уагдоны хъусинаджы.
Басгӕрст уадзы Цхинвалы районы мидхъуыддӕгты хайад.
