ЦХИНВАЛ, 24 сен — Sputnik. Ирон фӕсивӕд ӕмӕ адӕмон кафты ансамбль "Нарт" хайад райстой VI фӕсивӕдон форум "Санкт-Петербург — территория национального согласия"-йы, хъусын кӕны Ленинграды областы ирон минӕварады пресс-службӕ.
400 хайадисӕджы — 60 нациады минӕвӕрттӕ ӕрныхас кодтой националон ахастытӕ, национализм, ксенофоби ӕмӕ мигрантофобийы фарстытыл, афтӕ ма Петербурджы этнопарчы арӕзтадыл дӕр.
Активистты схорзӕхджын кодтой ӕрмӕст дипломтӕй нӕ, фӕлӕ ма цымыдисон мадзӕлттӕй дӕр.
"Фӕнды нӕ зӕгъын стыр бузныг организатортӕн кафджытӕ, зарджытӕ, эксперттимӕ семинартӕ, спортивон ерыстӕ, концерттӕ ӕмӕ ӕндӕр цымыдисон мадзӕлтты тыххӕй", — загътой хайадисджытӕ.
Форум ауагъта Санкт-Петербурджы ӕхсӕннацион ахастытӕ ӕмӕ миграцион политикӕйы реализацийы фӕдыл комитет Санкт-Петербурджы нациадты хӕдзары ӕххуысӕй.
