Цхинвалы фæбæрæг сты хуыздæр шашисттæ

© Sputnik / Фатима ПлиеваЧемпионат шашкæтæй Цхинвалы
Чемпионат шашкæтæй Цхинвалы - Sputnik Хуссар Ирыстон
Бафыссын
Yandex newsTelegram
Республикон гом турниры сылгоймæгты ʻхсæн иууыл хуыздæр бæрæггæнæнтæ равдыста дменисаг æвзонг чызг Лолоты Лина, нæлгоймæгты ʻхсæн та расгуыхт Плиты Хазби

ЦХИНВАЛ, 26 окт — Sputnik, Плиты Фатимæ. Цхинвалы æппæтреспубликон гом турниры шашкæтæй сылгоймæгтæ æмæ нæлгоймæгты ʻхсæн фæбæрæг сты хуыздæр хъазджытæ, фехъуын кодта Sputnik шашкæты федерацийы сæргълæууæг Лолоты Борис.

Чемпионат по шашкам в Цхинвале - Sputnik Хуссар Ирыстон
Цхинвалы интеллектуалон тохы бацыдысты бæстæйы хуыздæр шашисттæ

Мадзал нывонд уыд фæскомцæдисон змæлды сæдæ азы юбилейæн, йæ организаторæй ралæууыд Цхинвалы районы администраци.

"Чызджыты ʻхсæн рамбылдта Уæлдæр спортивон дæсныйады шашкæты секцийы хъомылгæнинаг, дменисаг чызг Лолоты Лина, дыккаг бынатыл ацыд ленингойраг чызг Хуыбиаты Оксана æмæ æртыккаг бынат та райста Тедеты Алена", — радзырдта Лолоты Борис.

Турниры архайдтой æмткæй 15 спортсмены, сеʻ хсæн спорты мастермæ кандидаттæ æмæ хицæн къæпхæны разряды хицæуттæ. Фæлтæрддæр хъазджытæ уыдысты нæлгоймæгты ʻхсæн.

"Нæлгоймæгты ʻхсæн ерыстæ рамбылдта Знауыры районы минæвар Плиты Хазби, чысыл лæмæгъдæр разынд спорты мастермæ кандидат Тедеты Николай. Призерты нымæцмæ ма бацыд Лолаты Павел", — бафтыдта уый.

Турнир цыд зылдон системæмæ гæсгæ, архайдтой дзы 7 сылгоймаг æмæ 8 нæлгоймаджы.

Ног хабӕртты лентӕ
0