ЦХИНВАЛ, 1 ноя — Sputnik. Цӕгат Ирыстоны столицӕйы ацӕудзӕн профессионалон боксы изӕр, хайад дзы райсдзысты регионы сӕйраг боксертӕ, хъусын кӕны республикӕйы спорты министрад.
Профессионалон боксы изӕры 22 ноябры кӕсджытӕ фендзысты аст тохы. Турниры кадджын уазӕг уыдзӕн номдзыд ирон боксер Гасситы Мурӕт.
"Сӕйраг тохы ралӕудзӕн WBC версийы фӕсивӕды ӕхсӕн дунейы чемпион, Хуссар Ирыстоны райгуыргӕ Тедеты Сослан. Уӕрӕсейы сгуыхт тренер Сланты Виталийы хъомылгӕнинаджы ныхмӕлӕууӕг уыдзӕн боксер Уфайӕ Рустем Фатхуллин", — дзырдӕуы хъусинаджы.
Спортивон ерысты организатортӕ сты боксерон клуб "Ариана" ӕмӕ компани "Урал Бокс Промоушен".
