ЦХИНВАЛ, 13 ноя — Sputnik. Иумӕйаг уӕрӕсейаг-хуссарирыстойнаг информацион центры къухдариуӕгад хыгъдлӕвӕрд радта Хуссар Ирыстоны Мидхъуыддӕгты министрады (МХМ) сӕргълӕууӕгӕн хайады архайды фӕстиуджыты тыххӕй, хъусын кӕны МХМ пресс-службӕ.
Хуссар Ирыстон ӕмӕ Уӕрӕсейы МХМ 2016 азы июлы сарӕзтой иумӕйаг информацион-координацион центр (ИКЦ). Йӕ нысаниуӕг у оперативон-ахсджиаг информацийы баивд, фыдгӕнджыты агуырды хъуыддаджы ӕххуыс.
"Кусӕгон рабадт ИКЦ къухдариуӕгад ӕмӕ кусджытимӕ ауагъта МХМ сӕргълӕууӕг Наниты Игорь. Рабадты рӕстӕджы ӕрдзырдтой ИКЦ райрӕзт ӕмӕ хӕслӕвӕрдты реализацийы дарддӕры къахдзӕфтыл", — банысан кодтой МХМ.
Пресс-службӕйы информацимӕ гӕсгӕ, ИКЦ къухдариуӕгад хыгъдлӕвӕрд радта Уӕрӕсейы барадхъахъхъӕнӕг органтимӕ иумӕйаг куысты фӕстиуджыты тыххӕй фыдракӕндты ныхмӕ тохы.
МХМ сӕргълӕууӕг ӕмӕ ИКЦ директор Болататы Алан ӕрдзырдтой арӕзтады куыстыты тыххӕй, центры территорийы хӕрзарӕзтадыл ӕмӕ сарӕзтой куыстыты дарддӕры нывӕзтытӕ.
ИКЦ арӕзтады фӕдыл бадзырд бафыстой интеграцийы фӕдыл Бадзырды фӕлгӕтты. Информацион-координацион центры кусджытӕ ныридӕгӕн райдыдтой кусын фарон.
ИКЦ кусджыты фылдӕр хай сты Хуссар Ирыстоны МХМ кусджытӕ. Иумӕйагӕй дзы кусдзӕн уагдоны 23 кусӕджы ӕмӕ сӕ авд коллегӕйы Уӕрӕсейӕ.
Информацион-координацион центры агъуыст ис "Мӕскуыйаг" микрорайоны цӕгаттаг кӕроны. Объекты арӕзтадон куыстытӕ фӕуд кӕнынц.
