Рӕстӕмбис: милицийы сӕргълӕууӕг уагдоны куысты тыххӕй

© Sputnik / Наталья АйриянНаниты Игорь
Наниты Игорь - Sputnik Хуссар Ирыстон
Бафыссын
НовостиTelegram
Мидхъуыддӕгты министрады сӕргълӕууӕг Наниты Игорь радзырдта уагдоны ивындзинӕдтӕ ӕмӕ ИКЦ куысты тыххӕй, афтӕ ма саргъ кодта уагдоны куыстӕн

ЦХИНВАЛ, 14 ноя — Sputnik. Фӕстаг аз Хуссар Ирыстоны Мидхъуыддӕгты министрад (МХМ) бакуыста хорз, ӕндӕр аргъ уагдоны куыстӕн скӕндзысты адӕм ӕмӕ президент, загъта МХМ сӕргълӕууӕг Наниты Игорь газет "Хуссар Ирыстонӕн" интервьюйы.

Ивгъуыд къуыри барадхъахъхъӕнӕг органты кусджытӕ банысан кодтой сӕ профессионалон бӕрӕгбон — МХМ сӕвзӕрдыл 101 азы сӕххӕст.

"Барадхъахъхъӕнӕг органты куыстӕн аргъ кӕнынц президент, хицауад ӕмӕ республикӕйы адӕм. Нӕ дзурдзынӕн стыр фӕстиуджыты тыххӕй, бирӕ сарӕзтам ацы рӕстӕгмӕ, фӕлӕ ноджы фылдӕр хъӕуы саразын. Ӕз та саргъ кӕндзӕн уагдоны куыстӕн куыд рӕстӕмбис", — загъта министр.

Оптимизаци

Наниты Игорь банысан кодта, зӕгъгӕ, Уӕрӕсе ӕмӕ Хуссар Ирыстоны МХМ бафыстой бадзырд уагдоны кусджыты нымӕцы оптимизацийы тыххӕй, кӕцымӕ гӕсгӕ фӕфылдӕр уыдзысты иурӕстӕгон финансон ӕххуыс ӕмӕ материалон-техникон базӕ. Министры ныхӕстӕм гӕсгӕ, ацы мадзал хорз бандавдзӕн уагдоны куыстыл.

Министр внутренних дел Игорь Наниев провел рабочее совещание с руководством и личным составом ИКЦ - Sputnik Хуссар Ирыстон
Хуссар Иры МХМ ӕрдзырдтой ИКЦ куысты тыххӕй

2017 ӕмӕ 2018 ӕзты МХМ ауагътой оптимизацийы дыууӕ этапы, кӕцытӕ ацыдысты иттӕг хорз.

"Ауагътам цалдӕр мадзалы ӕмӕ сбӕрӕг кодтам кусджыты, кӕцытӕн бар нӕй кусын МХМ, уыдоны мах арвыстам куыстӕй. Бирӕтӕ ацыдысты пенсийы ӕмӕ абон сӕ пенси у фылдӕр бирӕ кусджыты мыздӕй. Хъӕуы ма ауадзын оптимизацийы ноджы иу этап, ӕмӕ уый фӕдыл мах ныридӕгӕн сарӕзтам практикон къахдзӕфтӕ", — загъта Наниты Игорь.

МХМ оптимизаци нывӕндынц фӕуын 2019 азы райдайӕны. Афтӕ ма министр бафтыдта, зӕгъгӕ, ацы мадзӕлтты руаджы мидхъуыддӕгты органты кусджыты мызд фӕфылдӕр ис 2017 ӕмӕ 2018 ӕзты.

ИКЦ куысты тыххӕй

Уӕрӕсе ӕмӕ Хуссар Ирыстоны МХМ 2016 азы июлы сарӕзтой иумӕйаг информацион-координацион центр (ИКЦ). Министры ныхӕстӕм гӕсгӕ, центр ныридӕгӕн кусы, фӕлӕ хъӕуы фӕуын цалцӕггӕнӕн куыстытӕ агъуысты, ӕмӕ тагъд рӕстӕджы ИКЦ райдайдзӕн кусын.

"Структурӕйы кусдзысты 30 адӕймаджы, уыдонӕй 23 — республикӕйы МХМ-ӕй, авд та Уӕрӕсейӕ. Директорӕй снысан кодтой Хуссар Ирыстоны минӕвары, йӕ хӕдивӕг та у уӕрӕсейаг фарсы минӕвар", — радзырдта Наниты Игорь.

Республикӕйы криминалон уавӕр

МХМ сӕргълӕууӕг банысан кодта, зӕгъгӕ, республикӕйы фыдракӕндты нымӕц нӕ фылдӕр кӕны.

"Криминалон уавӕр у стабилон, сӕ цӕст ӕм дарынц мидхъуыддӕгты органты кусджытӕ", — загъта министр.

Афтӕ ма Наниты Игорь бахахх кодта, наркотикон буарадты ӕнӕзаконон зылды ныхмӕ тохы хайад кӕй уадзы эффективон куыст, цӕмӕй бӕрӕг кӕна гоймӕгты, кӕцытӕ парахат кӕнынц наркотикон ӕмӕ тобӕгонд буарадтӕ — лирика, насвай, снюс, метадон, морфин.

Кӕд скусдзӕн "Ӕдас горӕт"

Наниты Игорь радзырдта, системӕ "Ӕдас горӕт" кӕй ӕххуыс кӕны фыдракӕндтӕ рабӕрӕг кӕнынӕн ӕмӕ фӕндагон-транспортон цаутӕ ма руадзынӕн, фӕлӕ уый нырма кӕронмӕ не скуыста.

Министры ныхӕстӕм гӕсгӕ, цӕмӕй кӕронмӕ аххӕсса фӕндӕгтыл, цӕрӕн кварталтӕ ӕмӕ районтыл, уый тыххӕй хъӕуы паддзахадон программӕ ӕмӕ ӕхцайы егъау фӕрӕзтӕ.

Милицийы фидӕны кусджыты тыххӕй

Цалдӕр азы дӕргъы уӕрӕсейаг ахуыргӕнӕндӕттӕн ӕрвитынц абитуриетты Хуссар Ирыстонӕй. Уыдон бынаты дӕттынц фӕлварӕнтӕ ӕмӕ иууыл хуыздӕрты арвитынц ахуырмӕ.

Южная Осетия: день милиции - Sputnik Хуссар Ирыстон
Ӕнусӕй фылдӕр закон хъахъхъӕнгӕйӕ: Хуссар Иры милици нысан кӕны 101 азы сӕххӕст

"Абоны бон 110 курсанты ахуыр кӕнынц Краснодар, Волгоград, Ростов-на-Дону, Орел ӕмӕ Воронежы. Курсанттӕ куы ӕрыздӕхынц, уӕд сын раттынц куысты бынӕттӕ. Зӕгъӕм, 2018 азы ахуыр фесты 15 рауагъдоны ӕмӕ уыдон иууылдӕр службӕ кӕнынц мидхъуыддӕгты органты", — радзырдта Наниты Игорь.

Уый ма банысан кодта, зӕгъгӕ, ис ахӕмтӕ, кӕцытӕ ахуыры фӕстӕ ӕрцӕуынц республикӕмӕ, фӕлӕ кусынмӕ бацӕуынц ӕндӕр структурӕтӕм.

Министр бафтыдта, абитуриентты кӕй арвитынц ахуырмӕ ахӕм дӕсниадтӕм, кӕцытӕ уагдонӕн сты ӕнӕмӕнгхъӕугӕ.

Ног хабӕртты лентӕ
0