Музейтæ æмæ телестуди: Ахуырады министрады равзæрстой фондз ног проекты

© Sputnik / Наталья АйриянМузей Цхинвалы
Музей Цхинвалы - Sputnik Хуссар Ирыстон
Бафыссын
Yandex newsTelegram
Проекттæ æххæст æрцæудзысты горæты æмæ районты скъолаты

ЦХИНВАЛ, 15 ноя — Sputnik, Плиты Фатимæ. Ахуырады министрады сæрмагонд нывæзты фæлгæтты азы кæронмæ æххæст æрцæудзæн фондз проекты. Горæты æмæ районы скъолаты фæзындзысты музейтæ, аив æмæ хæрзарæзт къуымтæ, афтæ ма телестуди, фехъусын кодтой Sputnik министрады.

Октябры уынг - Sputnik Хуссар Ирыстон
"Историйы сыфтæ": 22 баннеры фæзындзæн Цхинвалы уынгтæй иуыл

Ахуырады министрады фæсивæды хъомылады монон-фæткæвæрдон нывæзты гранттæ райсыны фæдыл ахуырадон уагдæттæ бавдыстой 11 проекты, уыдонæй кусæгон къорд равзæрста фондз.

"Ӕвзæрст цы куырдиæттæ рацыдысты, уыдон нымæцы сты дыккæгæм скъолайы проект "Скъолайы истори цæсгæмтты", 12-æм скъолайы "Скъолайы музей". Се ʻхсæн иууыл гуырахсджындæр у Цхинвалы бирæпрофилон колледжы куыст "Геологийы æмæ пайдаджын æрзæтты бæстæзонæн музей", — загъта министрады иумæйаг хайады хистæр Цхуырбаты Зема.

Уый ма радзырдта, аннæ дыууæ проекты та æххæст кæй æрцыдысты републикæйы районты.

"Ацы нывæзты фæлгæтты ма Терегуаны скъола райсдзæн скъолæйон музей –"Фæлæрты иугæнæг таг", Дзауы скъолайы та фæзындзæн телестуди", — бафтыдта Цхуырбаты Зема.

Ацы мæйы кæронмæ фондз проект дæр æрцæудзысты æххæст. Æдæппæтæй сын хицæн æрцæудзæн 300 мин сомы бæрц.

Ног хабӕртты лентӕ
0