ЦХИНВАЛ, 21 ноя — Sputnik. Хуссар Ирыстоны Мидхъуыддӕгты министрады (МХМ) кусджытӕ ахуырады министрады минӕвӕрттимӕ иумӕ уадзынц профилактикон ныхас хистӕркъласонтимӕ наркотиктӕ, нозт ӕмӕ тамако дымыны зианы тыххӕй, афтӕ ма ӕнахъомты ӕхсӕн фӕткхалдты тыххӕй.
МХМ пресс-службӕ фехъусын кодта, зӕгъгӕ, скъоладзаутӕн ӕмбарын кӕнынц, наркотиктӕ, нозт ӕмӕ тамакойы фӕстиуджытӕ кӕй сты ӕрмӕст хӕлд ӕнӕнздзинад нӕ, фӕлӕ ма административон, кӕнӕ уголовон бӕрн.
"Профилактикон баныхасы руаджы нӕ фӕсивӕд рӕздзӕн ӕнӕнизӕй. Сывӕллӕтӕ-иу цымыдисонӕй хъусынц, дӕттынц фарстытӕ. Мӕнмӕ афтӕ кӕсы, сывӕллон куы байхъуса цалдӕр лекцимӕ, уӕд йӕхи ӕвзӕр никуыуал дардзӕн", — банысан кодта фӕндзӕм астӕуккаг скъолайы директор Бестауты Аза.
Афтӕ ма МХМ ӕмӕ ахуырады министрады специалисттӕ бахатыдысты ахуыргӕнинӕгтӕм, цӕмӕй ма цӕуой зианхӕссӕг ахуыры фӕдыл.
