ЦХИНВАЛ, 27 ноя — Sputnik. Плиты Фатимæ. Хуссар Ирыстоны армспорты секцийы хъомылгæнинæгтæй авд стох кæндзысты Цæгат Ирыстоны фыццагады, фехъусын кодта Sputnik спортсмены тренер Джиоты Валерий.
Ерыстæ ацæудзысты 1-2 декабры.
"Ирыстойнаг æрмхæцджытæ сты дунейы тыхджындæртæ, уымæ гæсгæ Цæгат Ирыстоны фыццагад рамбулын хуымæтæджы хъуыддаг нæу, фæлæ у æнæмæнгхъæугæ. Уымæн æмæ ацы ерысты фыццаг æмæ дыккаг номыртæ райсынц балцæг Уæрæсейы фыццагадмæ", — загъта тренер.
Уый ма банысан кодта, ацы ерыстæм сæ секцийы лидертæй дарддæр кæй акæндзысты æртæ спортсмены, кæцытæн сæ спортивон карьерæйы ахадгæ æнтыстытæ нæ уыд.
"Махæй æппæтирыстонон æмвæзады ерысты архайдзысты европæйаг æмæ дунейы фыццагадты призертæ — Дыгъуызты Милена, Хæбæлаты Арсен, Плиты Батрадз æмæ Кæсæбиты Владислав.
Ацы ерыстæ суыдзысты фæлварæн секцийы тыхджындæр, фæлæ æвæлтæрд æрмхæцджытæн", — бафтыдта Джиоты Валерий.
Дыгъуызты Милена у 2017-2018 æзты Уæрæсейы уæлахиздзау, ацы æзты Европæйы æвзист призер æмæ, фæстаг æнтыст хынцгæйæ та, 2017-2018 æзты дунейы чемпионаты æвзист æмæ бронзæйон призер.
Плиты Батрадз Уæрæсейы фыццагады фæстаг дыууæ азы фæд-фæдыл рамбылдта æвзист майдантæ, 2018 азы рамбылдта дунейон æвзист Туркы.
Хæбæлаты Арсен у 2016 азы Уæрæсейы чемпион, 2017 азы æвзист призер æмæ 2018 азы бронзæйон æмæ 2018 азы дунейы чемпионаты æвзист призер.
