ЦХИНВАЛ, 25 дек – Sputnik. Хуссар Ирыстоны минӕвар Уӕрӕсейы Гасситы Знауыр хайад райста Sputnik хӕрзаудӕн акци "Хӕлардзинады наз"-ы. Минӕвар бахахх кодта, проекты сӕйраг нысаниуӕг кӕй у сӕххӕст кӕнын сывӕллӕтты бӕллицтӕ, ӕмӕ мах та уымӕн хъуамӕ баххуыс кӕнӕм.
"Сывӕллӕттӕ сты нӕ иууыл зынаргъдӕр хӕзна. Мах хъуамӕ ӕххуыс кӕнӕм нӕ сывӕллӕтты бӕллицтӕ ӕххӕст кӕнынӕн, уый у тынг ахсджиаг. Нӕ сывӕллӕттӕ сты махӕн нӕ фидӕн", — загъта минӕвар.
Афтӕ ма уый раарфӕ кодта сывӕллӕттӕн Ног азы цытӕн ӕмӕ сын йӕ цӕст бауарзта ӕнтыстытӕ ӕмӕ сӕ бӕллицты сӕххӕст.
"Арфӕ уын кӕнын Ног аз ӕмӕ Цыппурсы цытӕн! Сымах хъуамӕ уат куыстуарзаг ӕмӕ зонынуарзӕгтӕ, ӕрбалӕугӕ азы сӕххӕст уӕт уӕ бӕллицтӕ иууылдӕр, мах та, хистӕртӕ, ӕххуыс кӕндзыстӕм сымахӕн", — загъта йӕ арфӕйы Гасситы Знауыр.
Ногазон акци "Хӕлардзинады наз" райдыдта кафе Vincenzo-йы фӕзуатыл 18 декабры ӕмӕ адаргъ уыдзӕн 28 декабрьмӕ.
