ЦХИНВАЛ, 15 янв – Sputnik. Хуссар Ирыстоны президент Бибылты Анатолий бахæс кодта хицауадæн февралы кæрæттæм бацæттæ кæнын хыгъдлæвæрд сæ афæдзы куыстæн.
20 ноябры 2018, 16:42
Йæ ныхæстæм гæсгæ, 25 февралы онг министрæдты æмæ уагдæтты сæргълæуджытæ хъуамæ æрбавдисой 2018 азы сæ куысты фæдыл хыгъдлæвæрдтæ республикæйы къухдариуæгадæн.
"Афтæ ма алы министр дæр хъуамæ ралæууа Хуссар Иры парламенты раз дæр. Министртæй дарддæр ма хыгъд хъуамæ сараза Генералон прокуратурæ дæр æмæ цæттæ уа депутатты фарстытæн сдзуапп кæнынмæ", - загъта Бибылты Анатолий хицауады рауæрæхгонд рабадты.
Уымæй дарддæр ма, бафтыдта президент, 21 январы онг алкæцы министрад æмæ уагдон дæр хъуамæ æрбавдисой хицауадмæ 2019 азæн куысты нывæзт.
