ЦХИНВАЛ, 21 янв — Sputnik. Ивгъуыд къуыри Хуссар Ирыстоны фæндæгтыл уыд 190 фæткхалæн цауы, уыдонæй авд расыг шофырты аххосæй, хъусын кæны МХМ пресс-службæ.
14 - 21 январы республикæйы фидаргонд æрцыд дыууæ фыдракæнды, уыдон дыууæ дæр раргом æрцыдысты.
Ивгъуыд къуыри ма, бафтыдтой уагдоны, республикæйы фæндæгтыл æрцыд иу фæндагон-транспортон цауы, зианбаййафджытæ нæй.
Горæт Цхинвалы мидхъуыддæгты управлени хицæн фыдракæндты тыххæй æрурæдта 6 адæймаджы, уыдонæй æртæ æцыдысты ивар, аннæты бакодтой административон ахæсты.
