ЦХИНВАЛ, 7 фев – Sputnik. Ӕртӕ цхинвайлаг скъола сӕхгӕндзысты карантиныл грипп ӕмӕ КРВИ-йы тыххӕй, фехъусын кодта Sputnik цыппӕрӕмы Югосетпотребнадзоры сӕргълӕууӕг Коцты Марина.
"8-18 февралы сӕхгӕндзысты ӕртӕ скъолайы – дыккӕгӕм, фӕндзӕм ӕмӕ фарастӕм. Сывӕллӕтты нымӕц, кӕцытӕ фӕрынчын сты уым грипп ӕмӕ КРВИ-йӕ, схызт 20 процентӕй", - загъта уый.
Афтӕ ма Коцты Маринайы ныхӕстӕм гӕсгӕ, абонӕй 18 февральмӕ карантиныл сӕхгӕдтой горӕт Къуайсайы астӕуккаг скъола ӕмӕ хицӕн къордтӕ Цхинвалы кӕцыдӕр сабидӕтты.
Амӕйразмӕ Хуссар Ирыстоны 5 февралӕй сӕхгӕдтой гимнази "Альбион" ӕмӕ Кировы скъола Дзауы районы, афтӕ ма цхинвайлаг дӕсӕм сабидон. Карантин ма расидтысты Къуайсайы сабидон ӕмӕ кӕцыдӕр хъӕууон ахуыргӕнӕндӕтты.
Хицауады информацимӕ гӕсгӕ, низтӕ хӕссынц сезонон характер.
