ЦХИНВАЛ, 18 фев — Sputnik, Козаты Диана. Транскавказон автомагистраль кусы хуымӕтӕг режимы, ӕвзӕр боныгъӕд нӕ бандӕвта автотранспорты змӕлдыл, загътой Sputnik Хуссар Ирыстоны Уӕлвӕткон уавӕрты министрады (УУМ) пресс-службӕйы.
Республикӕйы боныгъӕд февзӕр ис ивгъуыд улӕфты бонты. Тыхдымгӕйы тыххӕй ахицӕн ис электроэнерги – авари ауиварс кӕнынӕн бахъуыд фондз сахаты.
"Транскам кусы хуымӕтӕг режимы. Боныгъӕд нӕ бандӕвта автотранспорты змӕлдыл", - загътой УУМ.
Январы фылдӕр хай Транскам уыд ӕхгӕд митуард ӕмӕ зӕйты тыххӕй. Специалистты ныхӕстӕм гӕсгӕ, ахӕм уавӕр трассӕйыл нӕ уыд фӕстаг фондз азы.
