ЦХИНВАЛ, 20 мар — Sputnik. Цӕгат Ирыстоны командӕ ӕнтыстджын архайд скодта Черкесскы уагъд цӕуӕг Цӕгат Кавказы федералон зылды (ЦКФЗ) ерысты панкратионӕй, хъусын кӕны республикӕйы спорты министрады пресс-службӕ.
Ирон спортсментӕ рамбылдтой 13 сыгъзӕрин, 4 ӕвзист ӕмӕ 6 бронзӕйы майданы.
Ерыстӕ ӕрӕмбырд кодтой 260 спортсмены Хъӕрӕсе-Черкес, РЦИ-Алани, Цӕцӕн, Мӕхъӕл, Кӕсӕг-Балхъар, Дагъыстан ӕмӕ Ставрополы областӕй.
Командон бахыгъды фыццаг бынат бацахста Цӕцӕны Республикӕйы командӕ, дыккаг бынатыл ацыд Цӕгат Ирыстоны командӕ, ӕртыккагыл та Мӕхъӕлы Республикӕ.
Ерыстӕ уыдысты ӕвзарӕн этап Уӕрӕсейы чемпионатмӕ панкратионӕй, кӕцы ацӕудзӕн 12-13 апрелы Липецкы.
