ЦХИНВАЛ, 28 мар – Sputnik. Хуссар Ирыстоны президент Бибылты Анатолий балӕвар кодта инвалидон къаласкъӕтӕ республикӕйы цалдӕр цӕрӕгӕн, кӕцытӕ йӕм бадзырдтой ӕххуысы тыххӕй, хъусын кӕны паддзахады сӕргълӕууӕджы пресс-службӕ.
Фыццаг президент бабӕрӕг кодта Бестауты Ингайы бинонты, кӕцыйы чызджы хъуыдис инвалидон къаласкъӕ.
Паддзахады сӕргълӕууӕг ма радта инвалидон къаласкъӕ Коцты Эммайӕн, кӕцы абон нысан кӕны йӕ райгуырӕн бон.
"Мӕ цӕст дын уарзы ӕнӕниздзинад ӕмӕ хӕрзӕбон. Ды дӕ тынг тыхджын чызг, ӕмӕ дӕ тыхтӕ макуы фӕуӕт. Ныр дын уыдзӕн фадат дӕ ног къаласкъӕйыл цӕуын тезгъо кӕнынмӕ де мбӕлттимӕ", - загъта президент.
Афтӕ ма къаласкъӕтӕ райстой Санахъоты Агуындӕ, кӕцы знон нысан кодта йӕ райгуырӕн бон, Джимшер Башалидзе ӕмӕ Тбеты хъӕуы цӕрӕг Хуыбаты Арешо.
Ацы хӕрзаудӕн акци ссис иудадзыг. Къаласкъӕтӕ балхӕдтой хӕрзаудӕн фонд "Аланийы иудзинад"-ы фӕрӕзтӕй, кӕцыйы иунӕг бындурӕвӕрӕг у Бибылты Анатолий куыд сӕрмагонд гоймаг. Фонды фӕрӕзты сӕйраг гуырӕн у йӕ бындурӕвӕрӕджы ӕмӕ хӕрзаудӕн бахасттӕ, афтӕ ма гранттӕ ӕмӕ бархионты куыст.
