ЦХИНВАЛ, 15 апр — Sputnik. Хуссар Ирыстоны паддзахадон университеты ацӕудзӕн нывгӕнӕг Никас Сафроновы хисӕрмагонд равдыст, хъусын кӕны ахуыргӕнӕндоны пресс-службӕ.
Равдыст байгом уыдзӕн дыццӕджы, ХИПУ-йы музейон комплексы 11.30 сахатыл.
"Равдысты бавдисдзысты Никас Сафроновы алыгъуызон здӕхттӕ ӕмӕ стильты 55 куысты. Равдыстмӕ бацӕудзӕн нывгӕнӕг йӕхӕдӕг дӕр, кӕцы мадзалы официалон хайы фӕстӕ сдзуапп кӕндзӕн журналистты фарстытыл университеты конференц-залы", - дзырдӕуы хъусинаджы.
Пресс-службӕйы бафтыдтой, зӕгъгӕ, Никас Сафроновы балц Хуссар Ирыстонмӕ сӕххӕст уыдзӕн республикӕйы президент Бибылты Анатолий ӕмӕ Хуссар Ирыстоны минӕвар Уӕрӕсейы Гасситы Знауыры ӕмархайдӕй.
