ЦХИНВАЛ, 29 апр – Sputnik. Хуссар Ирыстоны ивгъуыд къуыри сбӕрӕг кодтой дыууӕ фыдракӕнды, хъусын кӕны республикӕйы Мидхъуыддӕгты министрады (МХМ) пресс-службӕ.
Тобӕгонд тамако
Наркотикон буарадтӕм хъусдарды хайады кусджытӕ Цхинвалы дуканитӕй иуы ссардтой тобӕгонд "снюс". Дуканийы уӕйгӕнӕг, столицӕйы 38-аздзыд цӕрӕг сылгоймаджы ӕрбаздӕхтой административон бӕрнмӕ "снюс" ӕмӕ "насвай" тамако ласын, ӕлхӕнын, уӕй кӕнын ӕмӕ пайда кӕныны" фӕдыл закон фехалыны тыххӕй.
Уавӕр фӕндӕгтыл
МХМ информацимӕ гӕсгӕ, ивгъуыд къуыри республикӕйы ӕрцыд ӕртӕ фӕндагон-транспортон цауы. Аварийы фӕстиуӕгӕн ӕртӕ адӕймаджы аластой республикон соматикон рынчындонмӕ буары цӕфтимӕ.
Ӕхсӕнадон фӕткхӕлдтӕ
Ӕхсӕнадон фӕтк фехалыны тыххӕй Цхинвалы мидхъуыддӕгты хайады кусджытӕ ӕрцахстой 21 адӕймаджы. Уыдонӕй ӕртӕйы ӕрбаздӕхтой административон бӕрнмӕ.
