Хуссар Иры ЦӔК сӕрдар хыгъдлӕвӕрд радта президентӕн ӕвзӕрстытӕм цӕттӕкӕнынады фӕдыл

© Пресс-служба президента РЮОПлиты Белла
Плиты Белла - Sputnik Хуссар Ирыстон
Рафыссын
Паддзахады сӕргълӕууӕг цыппӕрӕмы фембӕлд Централон ӕвзарӕн къамисы сӕрдаримӕ. Боны фӕткы уыд парламентон ӕвзӕрстытӕм цӕттӕкӕнынады фарст

ЦХИНВАЛ, 16 май – Sputnik. Хуссар Ирыстоны ӕмӕ республикӕйӕн ӕддӕ парламентон ӕвзӕрстыты бон байгом уыдзысты 77 ӕвзарӕн фадыджы, фехъусын кодта Централон ӕвзарӕн къамисы (ЦӔК) сӕрдар Плиты Белла президент Бибылты Анатолиимӕ фембӕлды рӕстӕджы.

Президент пресс-службӕ фехъусын кодта, паддзахады сӕргълӕууӕг цыппӕрӕмы кӕй ӕрдзырдта къамисы разамонӕгимӕ парламентон ӕвзӕрстытӕм цӕттӕкӕнынадыл.

Хуссар Иры снысан кодтой парламентмӕ ӕвзӕрстыты зылдты схемӕ - Sputnik Хуссар Ирыстон
Хуссар Иры снысан кодтой парламентмӕ ӕвзӕрстыты зылдты схемӕ

Бибылты Анатолийы цымыдис кодта, куыд цӕттӕ сты хъӕлӕсдӕттынмӕ ӕвзарӕн фадгуытӕ ӕмӕ зылдтӕ республикӕйы территорийыл ӕмӕ дипломатон минӕварадты фӕсарӕнты.

Плиты Беллайы ныхӕстӕм гӕсгӕ, иумӕйагӕй ӕвзӕрстыты бон Хуссар Ирыстоны территорийыл байгом уыдзысты 73 фадыджы, иу фадыг Мӕскуыйы, дыууӕ минӕварады территорийыл Цӕгат Ирыстоны ӕмӕ иу та Абхазы столицӕ Сухумы.

Уымӕй дарддӕр ма ЦӔК сӕрдар фехъусын кодта, абоны бон политикон партитӕ ӕмӕ мажоритаритӕй кӕй райстой 263 куырдиаты: 106 - политикон партитӕй республикон номхыгъдтӕм гӕсгӕ, 75 раразмӕ кодтой сӕ кандидатурӕтӕ политикон партитӕй иумандатон зылдтӕм гӕсгӕ, 82 та цӕуынц Ӕвзӕрстытӕм ӕнӕ политикон партитӕй.

Афтӕ ма Плиты Белла банысан кодта, ЦӔК кӕй кусдзӕн документты басгӕрстыл 18 маймӕ. Куырдиæтты басгæрсты фæстæ райдайынц агитацион мадзæлттæ телеуынынад æмæ газетты.

Президент равдыста ныфс, алкæцы адæймагмæ дæр кæй уыдзæн æмхуызон ахаст, кæцы бындуриуæг кæны законыл.

"Мах хорз æмбарæм, æвзæрстытæм кæй нæ бауадзат, уыдонæй бирæтæ кæй нæ уыдзысты разы уыцы фæндонимæ. Мæн ныфс ис, алкæмæ дæр уын кæй уыдзæн æмхуызон ахаст, æмæ уæ скъуыддзæгты бындур кæй уыдзысты Хуссар Ирыстоны закондæттынады принциптæ", - загъта Бибылты Анатолий.

Афтæ ма бæстæйы сæргълæууæг бахахх кодта, æвзæрстытæм кæй нæ бауадзой, уыдонæн та Централон æвзарæн къамисы уæнгтæ хъуамæ радтой дырыс дзуапп иу кæнæ иннæ законмæ гæсгæ.

Ног хабӕртты лентӕ
0