ЦХИНВАЛ, 20 май - Sputnik. Гуырдзиаг агрессорты фыдракӕнд, кӕцы ӕрцыд 1992 азы 20 майы Зары фӕндагыл, хъуамӕ банымайа Гуырдзыстоны къухдариуӕгад, дзырдӕуы Хуссар Ирыстоны Фӕсарӕйнаг хъуыддӕгты министрады (ФХМ) пресс-службӕйы хъусинаджы.
"Хуссар Ирыстон ногӕй ӕрсидт дунейы ӕхсӕнадмӕ, цӕмӕй бафхӕрой ацы трагедийы азымджынты ӕмӕ саргъ кӕной гуырдзиаг къухдариуӕгады архайдӕн. Афтӕ ма сӕ тыхтӕ радтой, цӕмӕй Гуырдзыстон банымайа йӕ бӕрндзинад ацы агресси ӕмӕ йӕ фӕстиуджыты тыххӕй", - дзырдӕуы хъусинаджы.
Хуссар Ирыстоны ӕрвылаз 20 майы нысан кӕнынц Фыдохы ӕмӕ мысӕн бон - ацы бон 1992 азы автоколоннӕйы раз бабадтысты гуырдзиаг гарзджын ӕфсӕддонтӕ ӕмӕ ныццагътой сабыр цӕрджыты. Трагедийы амӕттӕгтӕ баисты 36 адӕймаджы, кӕцыты фылдӕр уыдысты зӕронд адӕм, сылгоймӕгтӕ ӕмӕ сывӕллӕттӕ. Фӕмардуӕвджытӕй иууыл кӕстӕрыл цыд 11 азы, хистӕрыл та — 76.
Афтӕ ма парламенты спикер ӕрсидт саразын алцыдӕр, цӕмӕй ахӕм трагеди макуыуал ӕрцӕуа, ӕмӕ йӕ организатортӕ ӕмӕ ӕххӕстгӕнджытӕ та ӕрцӕуой ӕфхӕрд.
