Фыццаг цау: цхинвайлаг дохтыр райста зонæдты кандидаты ном Донецкы

© Sputnik / Наталья АйриянПлиты Александр
Плиты Александр - Sputnik Хуссар Ирыстон
Рафыссын
Дохтыр-реаниматолог Плиты Александр у фыццаг ахуыргонд Хуссар Ирæй, кæцы бынæттон æрмæджыты бындурыл райста зонадон къæпхæн

ЦХИНВАЛ, 22 май— Sputnik, Плиты Фатимæ. Хуссар Ирыстоны Республикон рынчындоны реанимацийы хайады хистæр Плиты Александр бахъахъхъæдта медицинон зонæдты кандидаты ном Горькийы номыл Донецкы национ университеты.

Хасан Баиев - Sputnik Хуссар Ирыстон
Дохтыр Хасан Баиев фӕхуыдта басгӕрстмӕ пациентты Хуссар Ирӕй

Зонадон куысты медик сахуыр кодта 90-æм æзтæй фæстæмæ хæстон архайдтыты хуссарирыстоны дохтырты архайд, сарæзта абарæнтæ Беслæны æмæ АИШ-ы 11 сентябры бæллæхы рæстæджы медикты куыстимæ.

Дохтыр-реаниматолог Плиты Александр у фыццаг ахуыргонд Хуссар Ирæй, кæцы бынæттон æрмæджыты бындурыл райста зонадон къæпхæн - медицинон зонæдты кандидат. Йæ куыст "Тактика интенсивной терапии у пострадавших при локальных конфликтах в условиях ограниченных сил и средств"-ы уый сахуыр кодта канд йæхи куысты фæлтæрддзинад нæ, фæлæ ма 1991 азы гуырдзиаг–ирон конфликты фæцæфуæвджыты фервæзын кæныны оххыл Хуссар Иры республикон рынчындоны медицинон персоналы архайд.

Цхинвалы соматикон рынчындон - Sputnik Хуссар Ирыстон
Гуырæн хæдзары сæйраг дохтыр: сывӕллӕттӕ гуырӕт, ӕмӕ кӕмфӕнды дӕр

"Зонадон куысты сахуыр кодтон Хуссар Ирыстоны медикты куыст сæрмагонд ифтонгады цухдзинады уавæрты. Абарæнтæ сарæзтон Беслæны æрцæугæ бæллæхы рæстæджы дохтырты архайдимæ, уыдон æххæст уыдысты ифтонгадæй. Бынæттон дохтыртæ та куыстой уæлвæткон уавæрты, фæлæ, уымæ æнæкæсгæйæ, фæстæ нæ лæууыдысты", - загъта Sputnik Плиты Александр.

Диссертацийыл дохтыр-реаниматолог куыста цыппар азы дæргъы.

"Ацы фарстыл куыст цæуы 2014 азæй фæстæмæ. Америкæйы мын рацыд 10 æрмæджы бæрц зонадон журналты. Мæ куыст та хъахъхъæдтон Уæрæсейы сæйраг æфсæддон анестезиолог, стæй ма Ростов æмæ Ставрополы сæйраг анестезиологты раз", - бафтыдта уый.

Республикон рынчындоны реанимацийы хайады хистæр Плиты Александр уыд, 2008 азы хæсты рæстæджы цæфты цы дохтырты къорд ирвæзын кодтой, уыдон нымæцы. Ныридæгæн разамынад дæтты реанимацийы хайадæн.

Ног хабӕртты лентӕ
0