ЦХИНВАЛ, 9 июн - Sputnik. Хуссар Ирыстоны мидхъуддæгты министрады министрад рахызт фæтыхджындæргонд куысты режиммæ. Ацы ивындзинæдтæ бахъуыдысты æвзæрстытæм бацæттæкæнын æмæ хъæлæсæппæрсты рæстæджы барадон фæтк бахъахъхъæнынæн, хъусын кæны МХМ пресс-службæ.
"Барадхъахъхъæнæг органтæ ныр дæр æххæст кæнынц организацион- профилактикон мадзæлттæ. Зылдон æварæн фадгуытæ сгæрст æрцыдысты æмæ хъахъхъæд цæуынц.Уымæй дарддæр ма МХМ куысджытæ мадзæлттæ уадзынц бюллетентæ бахъахъхъæнынæн сæ транспортировкæйы рæстæджы", - дзырдæуы хъусинаджы,
Майрæмбоны МХМ кусджытæ фæхæццæ кодтой бюллетеньтæ Мæскуы, Дзæуджыхъæу æмæ Абхазы æвзарæн фадгуытæм.
"Ӕхсæнадон фæтк бахъахъхъæныны хъуыддагмæ раздæхтой милицийы æппæт дæлхайæдтæ. Ӕвзарæн фадгуыты бахизæнты лæудзысты барадхъахъхъæнæг органты минæвæрттæ металлодетектортимæ, милиционертæ кусдзыты æвзарæн фадгуыты мидæг дæр. Столицæйы уынгты куысдзæн милицийы уæлæмхас къордтæ. Паддзахадон автоинспекцийы кусджытæ куысдзысты фæндаон змæлды фæткыл. Ӕхсæнадон фæтк хъахъхъæндзысты Мидхъуыддæгты министрады 800 кусæджы", - банысан кодтой МХМ.
Уæлæмхас мадзæлттæ раста Паддзахадон æдасдзинады комитет 8-11 июньмæ арæн у æхгæд.
VII æрсидты парламенты 34 бынатмæ претенденттæ сты авд политикон парти - "Иугонд Ирыстон", "Дзыллæйы иудзинад", "Ныхас", "Иудзинад", "Адæмон парти", "Фыдыбæстæ", "Коммунистон парти" æмæ 99 иумандатон кандидат, уыдонæй 60 раразмæ кодтой партитæ.
Парламентон æзæрстытæм Хуссар Иры сæ цæст дарынц æхсæнадæмон цæстдарджытæ Уæрæсейы æмæ фæсарæнтæй.
Парламент фидаргонд æрцæудзæн æмхæццæ мажоритарон-пропорционалон системамæ гæсгæ. Уæвгæ 34 бынты æмбис æвзæрст æрцæудзæн иумандатон зылдтæм гæсгæ, аннæтæ уыдзысты партийы номхыгъдтæй. Ахæм системæмæ републикæ раздæхт 15 фæстæ. IV , V æмæ VI æрсидты закондæттæг органтæ фидар цыдысты партиты номхыгъдæй.
