ЦХИНВАЛ, 3 июл — Sputnik. Хуссар Ирыстоны Мидхъуыддæгты министрады (МХМ) хисæрмагонд скондимæ куысты фæдыл управленийы минæвæрттæ фидар кæнынц абитуриентты хисæрмагонд хъуыддæгтæ, кæцытæ бацыдысты Уæрæсейы МХМ ведомствæйон ахуыргæнæндæттæм. Уый тыххæй хъусын кæны барадхъахъхъæнæг уагдоны пресс-службæ.
35 абитуриентæй конкурсон фæлварæнтыл фæтых сты 22. Фидæны курсанттæ рацыдысты сæрмагонд басгæрсттæ республикæйы МХМ æмæ ПӔК-ы, афтæ ма психодиагностикон æмм медицинон басгæрст, радтой фæлварæнтæ уырыссаг æвзаг, математикæ, истори, æхсæнадзонадæй æмæ физикон цæтттæдзинады нормативтæ.
Абитуриенттæ ацæудзысты равзæрстгонд ахуыргæнæндæттæм августы кæрæтты. Тыхон структурæты хаххыл ацы аз Хуссар Ирыстон райста 22 квотæйы УФ МХМ уæлдæр ахуыргæнæндæтты.
"Курсанттæ уыдзысты æххæст паддзахадон ифтонгадыл. Контрактмæ гæсгæ, ахуыры фæуды фæстæ уыдон æрыздæхдзысты æмæ адарддæр кæндзысты сæ службæ республикæйы мидхъуыддæгты органты", - радзырдта управленийы хистæр Джиоты Созыр.
Курсанттæ ахуыр кæндзысты фондз азы боны хайады æмæ райсдзысты, республикæ ныртæккæ цухдзинад цы специалисттæй æййафы, ахæм дæсниæдтæ.
