ЦХИНВАЛ, 26 июл — Sputnik. Олимпиаг чемпион-2016, уӕгъдибар хъӕбысӕйхӕцӕг Рӕмонаты Сослан бахызт парти "Патриоты России"-йы кандидатты номхыгъдмӕ Дзӕуджыхъӕуы Горӕтон думӕмӕ, хъусын кӕны Ossetia News сенатор Фадзайты Арсены ныхӕстӕ.
Афтӕ ма кандидатты номхыгъдмӕ бахызт уӕрӕсейы командӕйы сӕйраг тренер уӕгъдибар хъӕбысхӕстӕй Тедеты Дзамболат.
"Нӕ кандидатты хсӕн сты культурӕ ӕмӕ ахуырады минӕвӕрттӕ, спортсментӕ. Ис дзы олимпиаг чемпионтӕ дӕр. Фӕлӕ хъӕбысӕйхӕцӕг дзы ис ӕрмӕстдӕр иу – Рӕмонаты Сослан. Ӕндӕр партиты дӕр ис олимпиаг чемпионтӕ. Мӕ хъуыдымӕ гӕсгӕ, уыдон ӕрхӕсдзысты пайда", - хъусын кӕны портал Фадзайты Арсены ныхӕстӕ.
Кандидатты номхыгъдтӕ нырма кӕронмӕ фидаргонд не рцыдысты. Дзӕуджыхъӕуы Горӕтон думӕмӕ ӕвзӕрстытӕ ацӕудзысты сентябры.
