ЦХИНВАЛ, 23 авг - Sputnik. Хуссар Ирыстоны ацы къуыри улӕфдзысты ӕртӕ бон фӕд-фӕдыл - Хуссар Ирыстоны хӕдбардзинады банымайыны бӕрӕгбон ацы аз уыдзӕн къуырисӕры.
Паддзахадон бӕрӕгбӕттӕ ӕмӕ зӕрдылдарӕн датӕты къӕлиндары фӕдыл республикӕйы хицауады уынаффӕмӕ гӕсгӕ 26 август у улӕфт бон. Афтӕмӕй къуырийы кӕрон республикӕйы улӕфдзысты 24, 25 ӕмӕ 26 августы – сабат, хуыцаубон ӕмӕ къуырисӕр.
Бӕрӕгбонон мадзӕлтты фӕлгӕтты Цхинвалы ПККЗ "Чермен"-ы 26 августы 12.00 сахатыл ацӕудзӕн республикйы ӕхсӕнады минӕвӕртты бӕрӕгбонон ӕмбырд, кӕцы нывонд уыдзӕн Хӕдбардзинады банымады бонӕн. Фӕстӕдӕр Цъунары хъӕуы 13.00 сахатыл ацӕудзӕн стыр этнографион бӕрӕгбон "Фыдӕлты бындур". Бӕрӕгбон балхынцъ уыдзӕн корцертӕй "Песни, рожденные Свободой" 18.00 сахатыл горӕты стадионы ӕмӕ фейерверкӕй.
