ЦХИНВАЛ, 29 авг - Sputnik, Гӕбӕраты Ян. Хуссар Ирыстоны делегаци ӕрдзурдзӕн республикӕйы паддзахадон арӕны цур гуырдзиаг полицийы провокациты фӕдыл Инциденттӕ ма ӕруадзыны ӕмӕ сӕ аиуварс кӕныны фӕдыл механизмты (ИӔАМ) форматы фембӕлды рӕстӕджы цыппӕрӕмы. Уый тыххӕй Sputnik фехъусын кодта фӕсконфликтон уавӕр ӕрныв кӕныны фӕдыл РХИ президенты ӕххӕстбарджын минӕвар Джиоты Мурӕты аппараты минӕвар.
Дзырд цӕуы республикӕйы Знауыры районы Цънелисы хъӕуы уавӕры тыххӕй, цы ран бынӕттон цӕрджыты хӕдзӕрттӕм хӕстӕг гуырдзиаг гарзджын тыхтӕ бавнӕлдтой блокпосты арӕзтадмӕ.
Хуссар Ирыстоны делегацийы сӕргъ лӕууы президенты ӕххӕстбарджын минӕвар фӕсконфликтон уавӕр ӕрбиноныг кӕныны фӕдыл Джиоты Мурӕт. ИÆАМ форматы фембæлдтæ уагъд цæуынц 2009 азæй фæстæмæ. Традицион æгъдауæй сæ хайад райсынц Хуссар Ирыстон, Гуырдзыстон, Уӕрӕсейы минӕвӕрттӕ ОБСЕ ӕмӕ Евроцӕдисы ӕмархайдӕй. Хуссар Ирыстоны делегацийы сӕргъ лӕууы ацы фембӕлдтыл фӕсконфликтон уавӕр ӕрныв кӕныны фӕдыл РХИ президенты ӕххӕстбарджын минӕвары хӕдивӕг Коцты Егор.
