ЦХИНВАЛ, 18 сен – Sputnik. Хицауады сӕрдар Пухаты Эрик баззад райгондӕй Дзауы поселочы цӕрӕн хӕдзары арӕзтадӕй. Уый тыххӕй Sputnik фехъусын кодта хицауады пресс-службӕйы минӕвар Дзуццаты Тамара.
Премьер-министр ӕрцыд Дзаумӕ, цӕмӕй бынаты бабӕрӕг кӕна нардуатон организаци "Шанс"-ы куыст, кӕцы аразы Инвестпрограммӕйы фӕлгӕтты 18 фатерон хӕдзар.
"Пухаты Эрик баззад райгондӕй, фӕлӕ уӕддӕр ӕрсидт аразджытӕм, цӕмӕй сӕ цӕст дарой куыстыты ӕмгъуыдмӕ", - загъта Дзуццаты Тамара.
Пухаты Эрик бахахх кодта, кӕй хъӕуы ӕххӕст кӕнын куысты темптӕ ӕмӕ бафтыдта, ӕрвылкъуыри йӕ цӕст кӕй дардзӕн куыстытӕм.
"Махӕн бирӕ рӕстӕг нӕй ӕмӕ дзы фӕурӕдтӕ хъуамӕ ма уа", - банысан кодта Пухаты Эрик.
Аразджытӕ дзырд радтой, азы кӕронмӕ 18 фатерон хӕдзар кӕй ратдзысты эксплуатацимӕ.
