ЦХИНВАЛ, 27 сен — Sputnik. Хуссар Ирыстоны Дзауы районы самбойы скъолайы хъомылгӕнинӕгтӕ рамбылдтой фондз хорзӕхы Цӕгат Ирыстоны фыццагады, хъусын кӕны республикӕйы фӕсивӕдон политикӕ, спорт ӕмӕ туризмы комитеты пресс-службӕ.
25 сентябры 2019, 16:04
Ӕвзонг хуссарирыстойнаг самбисттӕ рамбылдтой дыууӕ сыгъзӕрин, иу ӕвзист ӕмӕ дыууӕ бронзӕйон майданы.
"Турниры уӕлахиздзаутӕ ссисты Хъуылымбегты Марат ӕмӕ Джиоты Давид, дыккаг бынатыл ацыд Тедеты Эдуард, бронзӕйон майдантӕ та рамбылдтой Карсанты Тамерлан ӕмӕ Коцты Дмитрий", - дзырдӕуы хъусинаджы.
Спортсменты тренер Коцты Тамерлан банысан кодта Коцты Дмитрийы архайд фыццагады, кӕцы йӕ ныхӕстӕм гӕсгӕ рамбылдта цыппар тохы, фӕлӕ йӕ травмӕ нӕ бауагъта ахизын финалмӕ.
