ЦХИНВАЛ, 30 окт — Sputnik, Плиты Фатимӕ. Хуссар Ирыстоны Ӕддагон разæсгарæн лæггады уагдон æртыццæджы нысан кæны йæ сæвзæрды бон. Паддзахадон æдасдзинады бахъахъхъæныны сæйраг службæтæй иу кусы ныр 16 азы.
Сæ сæвзæрды боны цытæн службæйы кусджыты къорд абон райстой уагдоны майдантæ æмæ сæрмагонд хæцæнгæрзтæ, цытджын церемонийы рæстæджы президент хорз аргъ скодта сæ куыстæн.
"Службæйы сæйраг нысан у паддзахады разамынадмæ хæццæ кæнын фæдзæхсæн информаци, кæцы гæнæн ис æмæ æвзæр бандава бæстæйы æдасдзинадыл. ӔРС-ы егъау хайбавæрд бæстæйы æдасдзинады системæмæ абон цытджын æмбырды рæстæджы банысан кодта президент", - загъта службæйы хистæр Уарзиаты Алексей.
Куыстуат фенгомдæр кодта йæ куыст уæрæсейаг коллегæтимæ -сæрды дыууæ уагдоны ʻхсæн фидар ʻрцыд бадзырд.
"26 июлы 2019 азы бафыстæуыд бадзырд Хуссар Иры Ӕддагон разæсгарæн лæггад æмæ Уæрæсейы Федералон æдзасдзинады службæйы хсæн. Йæ фæлгæтты нæ æмгуыстад æмæ разæсгарсты куыст рахиздзæн ног гъæдджындæр æмвæзадмæ, фæхуыздæр уыдзæн материалон-техникон ифтонгад", - бафтыдта уый.
Абон ма службæйы хистæр райста бузныджы гæххæт сæ "хæстæг" уагдон ПӔС-йæ.
Ӕддагон разæсгарсты службæ арæзт æрцыд 2006 азы 30 ноябры.
