ЦХИНВАЛ, 30 окт - Sputnik. Хуссар Ирыстоны ӕддагон разӕсгарӕн службӕ (ӔРС) у иууыл эффективондӕр структурӕтӕй сӕ иу, кӕцы хӕссы стыр хайбавӕрд республикӕйы паддзахадон ӕдасдзинад сӕххӕст кӕнынмӕ. Уый тыххӕй дзырдӕуы президент Бибылты Анатолийы арфӕйы ӔРС кусджытӕ ӕмӕ ветерантӕн, кӕцытӕ ӕртыццӕджы нысан кӕнынц уагдоны сӕвзӕрдыл 16 азы сӕххӕст.
"Ӕддагон разӕсгарӕн службӕ хъахъхъӕны Хуссар Ирыстоны национ интерестӕ, афтӕ ма йӕ суверенитет дӕр. ӔРС кусджытӕ алыхатт дӕр цӕсгомджын ӕмӕ профессионалон ӕххӕст кӕнынц сӕ хӕслӕвӕрдтӕ", - дзырдӕуы хъусинаджы.
Паддзахады сӕргълӕууӕг загъта бузныг разӕсгарджытӕн цӕсгомджын ӕмӕ намысджын куысты тыххӕй ӕмӕ фидарӕй загъта, сӕ стыр профессионализмы руаджы дарддӕр эффективон ӕххӕст кӕй кӕндзысты сӕ хӕслӕвӕрдтӕ.
