Трагеди "Фатима" бавдисдзысты ӕхсӕнадӕмон фестиваль "Сцена без границ"-мӕ

© Sputnik / Наталья АйриянТрагеди "Фатима" бавдисдзысты ӕхсӕнадӕмон фестиваль "Сцена без границ"-мӕ
Трагеди Фатима бавдисдзысты ӕхсӕнадӕмон фестиваль Сцена без границ-мӕ - Sputnik Хуссар Ирыстон
Рафыссын
Фестиваль цæудзæн Дзæуджыхъæуы 4-8 ноябрьмæ. Культурон мадзалы æдзух архайджытæ сты Паддзахадон драмон театр, хицæн æзты фæхайджын сты фестивалы сæрмагонд призтæй

ЦХИНВАЛ, 1 ноя — Sputnik, Плиты Фатимӕ. Хетӕгкаты Къостайы номыл Хуссар Ирыстоны паддзахадон драмон театр бавдисдзӕн Цӕгат Кавказы националон театрты IX ӕхсӕнадӕмон фестиваль "Сцена без границ"-мӕ спектакль "Фатима", фехъусын кодтой Sputnik пресс-службæйы.

Фестиваль цæудзæн Дзæуджыхъæуы 4-8 ноябрьмæ. Культурон мадзалы æдзух архайджытæ сты Паддзахадон драмон театр, хицæн æзты фæхайджын сты фестивалы сæрмагонд призтæй.

Мæргъиты Инга - Sputnik Хуссар Ирыстон
Спектакль "Фатимæ": театр снысан кодта премьерæйы бон

"Фестивалы архайджытæ сты Цæгат Кавказы республикæты театртæ, стæй ма Абхаз æмæ Хуссар Иры сфæлдыстадон коллективтæ. Фестиваль бакæндзæн Ирон театры труппæ режиссер Уалыты Гивийы "Ревизор"-æй. ХИ театр равдисдзæн режисссер Дзудцаты Тамерланы æвæрд спектакль "Фатимæ". Йæ сæйраг архайджытæ сгуыхт артисттæ Хуыгаты Альбина, Уанеты Эдуард æмæ Гаглойты Артур, стæй ма Мамиты Григорий", - загътой уагдоны пресс-службæйы.

Уым ма радзыртой мадзалы фæлгæтты ма кæй ацæудзæн фембæлдтæ æмæ мастер-класстæ.

"Уыдзæн фембæлд ирон режиссер Гуæцæлты Маратимæ æмæ мастер-класстæ зындгонд ирон режиссер Сæлбиты Акимæй", - бафтыдтой уым.

Цӕгат Кавказы националон театрты IX ӕхсӕнадӕмон фестиваль "Сцена без границ" аразынц Уæрæсейы æмæ Цæгат Ирыстоны культурæйы министрадтæ.

Ног хабӕртты лентӕ
0