ЦХИНВАЛ, 5 ноя — Sputnik, Плиты Фатимæ. Хуссарирыстойнаг спортсментæ ссисты Тæболты Арсены номарæн æхсæнадæмон турниры уæлахиздзау æмæ призертæ уæлыстол теннисæй . Уый тыххæй Sputnik фехъусын кодта уæлдæр спортивон дæсниады скъолайы сæйраг тренер теннисæй Джиоты Мириан.
Турнир уагъд цыд Дыгуры. Хуссар Ирыстонæй дзы архайдтой Бекъойты Эдвард, Тедеты Иосиф, Куыдзеты Игорь, Ведмедеря Максим æмæ Кокойты Аманда. Спортсментæ расгуыхтысты къайон ерысты.
"Ерысты уыд бæрзонд конкуренци, архайдта дзы авд спорты мастеры. Къайон ерысты финалы бахаудысты не 'ртæ спортсмены. Бекъойты Эдвард æмæ Куыдзеты Игорь хъазыдысты Тедеты Иосиф æмæ Ставрополы крайаг Михаил Чимбарцевимæ. Ацы фембæлды тыхджындæр разынд æмхæццæ къай", - загъта Джиоты Мириан.
Тренеры ныхæстæм гæсгæ, къорд 8 ноябры та хайад райсдзæн Нальчикы уагъд цæуæг турниры.
