Улӕфт нӕй: ирон боксертӕ-профессионалтӕ тренировкӕ кӕнынц карантинмӕ ӕнӕкӕсгӕйӕ

Рафыссын
Клуб "Ариана"-йы профессионалон боксертӕ Цӕгат Ирыстоны столицӕйы дарддӕр уадзынц сӕ цӕттӕкӕнынад хуымӕтӕг режимы

ЦХИНВАЛ, 27 мар — Sputnik, Хъуылымбегты Азӕмӕт. Дзӕуджыхъӕуккаг клуб "Ариана"-йы профессионалон боксертӕ дарддӕр уадзынц сӕ тренировкӕтӕ хуымӕтӕг режимы, фехъусын кодта Sputnik профессионалон боксер Хуыгаты Алан.

Спорты галуан Олимп - Sputnik Хуссар Ирыстон
Цхинвалы сæ куыст æрурæдтой спортивон секцитæ

Боксертӕ, кӕцытӕ нырма нӕ архайынц профессионалты хсӕн, ацыдысты карантины.

Коронавирусы пандемийы тыххӕй аивтой Федор Чудинов ӕмӕ Айзек Чилембайы тох, кӕцы хъуамӕ ацыдаид турнир "Лига ставок. Битва на Кавказе"-йы фӕлгӕтты Цӕгат Ирыстоны 21 марты. Ацы турниры хъуамӕ архайдтаид боксы рӕзгӕ стъалы Хуыгаты Алан. Афтӕ ма Уӕрӕсейы столицӕйы хъуамӕ ацыдаид перспективон ирон боксер Тыбылты Аликы тох ӕмӕ Къудухты Артуры дебют, фӕлӕ ацы тохтӕ дӕр аргъӕвтой.

"Тренировкӕтӕ уагъд цӕуынц хуымӕтӕг режимы, ацы вирусы фӕдыл паникӕ нӕй. Хъыг нын у, нӕ тохтӕ нын кӕй аивтой, фӕлӕ мах нӕ къухтӕ не ‘руагътам ӕмӕ дарддӕр цӕттӕ кӕнӕм", - загъта Sputnik профессионалон боксер Хуыгаты Алан.

Дзӕуджыхъӕуы боксы изӕрмӕ хъуамӕ ӕрцыдаид дунейы боксы стъалы Рой Джонс, кӕцы уыдаид Айзек Чилембайы секундант.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми.
Дунейы вирусӕй ныридӕгӕн фӕрынчын сты 526 мин адӕймаджы 188 бӕстӕйы, сӕ фылдӕр хайӕн схос кодтой, 23 мин адӕймагӕй фылдӕр фӕмард сты.

Ног хабӕртты лентӕ
0