ЦХИНВАЛ, 3 фев — Sputnik. Хуссар Иры постон-телеграфон службӕ хӕдзӕрттӕм хӕсдзӕн пенситӕ ӕмӕ сывӕллӕтты фиддонтӕ карантины уавӕрты. Службӕ кусы штатон режимы санитарон-эпидемиологон рекомендацитӕ ӕххӕстгӕнгӕйӕ.
Ивгъуыд майрӕмбоны республикӕйы хицауад бакодта уӕлӕмхасӕн карантинон мадзӕлттӕ республикӕмӕ коронавирус COVID-19 ма ‘руадзыны фӕдыл. Арӕнӕвӕрдтӕ уыдзысты 13 апрелы онг.
Амӕйразмӕ Хуссар Ирыстоны тобæ сæвæрдтой фæсарæйнаг æмбæстæгтæн республикæйы территоримæ æрбахизыныл, арæнæвæрд нæ хауы æрмæстдæр уæрæсейæгтæм, афтӕ ма сӕхгӕдтой уадзӕн пункттӕ Гуырдзыстонимӕ паддзахадон арӕныл. Уымӕй дарддӕр тобӕ сӕвӕрдтой культурон ӕмӕ спортивон мадзӕлттӕ ауадзыныл.
Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Дунейы вирусӕй ныридӕгӕн фӕрынчын сты 1 милуан адӕймагӕй фылдӕр 181 бӕстӕйы, сӕ фылдӕр хайӕн схос кодтой, 51 мин адӕймагӕй фылдӕр фӕмард сты.
