Хуссар Иры фæкъаддæр кодтой æхсæнадон транспорты рейстæ

© Sputnik / Наталья АйриянХуссар Иры фæкъаддæр кодтой æхсæнадон транспорты рейстæ
Хуссар Иры фæкъаддæр кодтой æхсæнадон транспорты рейстæ - Sputnik Хуссар Ирыстон
Бафыссын
Yandex newsTelegram
Республикæйы районтæ æмæ хъæутæм ныр стæмдæр хатт цæуынц автобустæ, столицæйы та æхсæнадон транспорт йæ куыст рæстæгмæ æрурæдта, автобустæ ма цæуынц "Хурзæрин" æмæ "Цæгаттаг"-мæ

ЦХИНВАЛ, 14 апр – Sputnik, Плиты Фатимӕ. Хуссар Иры автомобилон транспорты управлени карантины рæстæгмæ фæкъаддæр кодта йæ рейстæ хъæутæм, уымæй размæ уагдон æрурæдта столицæйы æхсæнадон транспорты змæлд, фехъусын кодта Sputnik йæ сæргълæууæг Дудайты Альберт.

"Кæцыдæр хъæутæм фæкъаддæр кодтам рейстæ. Къуыри æртæ хатты цы хъæумæ цыд автобус, уырдæм ма ныр цæуы æрмæстдæр дыууæ хатты. Æппæт хъæутæм дæр алы къуыри дæр цæуы транспортон бастдзинад - Знауыр, Къуаиса æмæ Дзаумæ æрвылбон цæуы автобус, Чысангомы хъæутæм къуыри цæуы дыууæ рейсы", - загъта Дудайты Альберт.

Уый ма радзырдта, Цхинвалы та транспорты змæлд кæй фæкъаддæр кодтой, коронавирусы аппарахты тасæй республикæйы куы райдыдтой мадзæлттæ исын, уæдæй фæстæмæ.

Ногдзауты парк - Sputnik Хуссар Ирыстон
Хуссар Иры адарддӕр кодтой карантин ӕхсӕнадон бынӕтты 20 апрелы онг

Горæты ма æхсæнадон транспорт цæуы æрмæстдæр микрорайонтæ "Хурзæрин" æмæ "Цæгаттаг"-мæ.

"Ивгъуыд къуыри та аскъуыддзаг кодтам хъæутæм дæр фæкъаддæр кæнын маршрутон транспорты рейстæ", - бафтыдта Альберт.

Карантины баконды размæ столицӕ районон центртӕ ӕмӕ хъӕутимӕ иу кодтой 23 автобусон рейсы. Цхинвалы райсом 8 сахатӕй изӕры аст сахатмӕ зилдух кодта маршрутон транспорт.

Ног хабӕртты лентӕ
0