Хуссар Иры 25 курсанты алыгъдысты карантинæй, радзырдтой цæстæйфенджытæ

© Sputnik / Natalia Airiyan Цхинвалы рынчындон
Цхинвалы рынчындон - Sputnik Хуссар Ирыстон
Инцидент æрцыд республикон бирæпрофилон медицинон центры, цы ран дыууæ къуырийы æмгъуыдмæ уыдысты карантины Уæрæсейæ æрцæугæ курсанттæ

ЦХИНВАЛ, 21 май – Sputnik, Плиты Фатимæ. Уæрæсейаг æфсæддон уæлдæр ахуыргæнæндæтты курсантты иу хай, кæцытæ æрыздæхтысты Хуссар Ирыстонмæ майы райдайæны æмæ сты дыууæкъуырион карантины республикон бирæпрофилон медицинон центры, æртыццæджы хивæндæй ацыдысты рынчындонæй æмгъуыдæй раздæр.

Дзауы рынчындон - Sputnik Хуссар Ирыстон
Хуссар Иры карантинӕй рахызт курсантты фыццаг къорд

Амæй размæ ма хъусын кодтам, ахуыры рæстæг æмгъуыдæй раздæр кæй фæцис, уымæ гæсгæ Хуссар Ирыстонмæ æрыздæхтысты 250 курсанты Уæрæсейы æфсæддон вузтæй. Сæ райгуырæн бæстæм æрцыды фæстæ уыдон бакодтой карантины.

Цæстæйфенджыты ныхæстæм гæсгæ, æдæппæт карантинæй алыгъдысты 25 курсанты, уайтагъд сæ агурын райдыдтой барадхъахъхъæнæг органты минæвæрттæ.

"Боны дыууæ сахатмæ æввахс æвзонг лæппутæ æвæрдтой сæ хызынтæ хæдтулгæйы рынчындоны цур. Фыццаг ахъуыды кодтон, сæ карантины æмгъуыд кæй фæцис, фæлæ фæстæдæр бамбæрстон, уыдон цæуынц хивæндæй. Рынчындоны цур æрæмбырд сты адæм æмæ милицийы кусджытæ. Уый фæстæ ацыдысты, сæ фæстæ та милицийы машинæ",  - загъта Sputnik инциденты фенæг. 

Фæстæдæр рабæрæг ис, курсантты кæй раздæхтой фæстæмæ карантинмæ.

МХМ æмæ Ӕнæниздзинад хъахъхъæнынады министрадты нырма комментаритæ нæ радтой цауы фæдыл.

Амæй размæ æнгæс цау уыд Абхазы республикæйы дæр, уым дæр фæткхалджыты нымæцы уыдысты Уæрæсейы уæлдæр ахуыргæнæндæтты курсанттæ.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала