ЦХИНВАЛ, 22 июн - Sputnik. Хуссар Ирыстоны ацы кусӕгон къуыри уыдзӕн цыппарбонон: амӕйразмӕ республикӕйы президент Бибылты Анатолий расидт 24 июнь ӕнӕкусӕгон боныл, ацы датӕйы ауадздзысты ӕфсӕддон парад Стыр Фыдыбӕстон хӕсты уӕлахизы 75 азы юбилейы цытӕн.
Ӕфсӕддон парад 9 майы аргъӕвтой коронавирусы апарахаты тасӕй. Июны республикӕйы сӕргълӕууӕг рахаста уынаффӕ ауадзын парад 24 июны – Мӕскуыйы Уӕлахизы Парадимӕ иу бон. Парадон къордты бӕрӕгбонон марш ӕмӕ ӕфсӕддон техникӕйы рацыд райдайдзӕн ӕртыццӕджы, 11.00 сахатыл Театралон фӕзуатыл Цхинвалы. Парады фыццаг хатт хайад райсдзысты уӕрӕсейаг ахуыргӕнӕндӕтты курсанттӕ.
Парад райсдзӕн хицауады сӕрдар Пухаты Эрик. Президент Бибылты Анатолий УФ сӕргълӕууӕг Владимир Путины ӕрхуындӕй хайад райсдзӕн бӕрӕгбонон мадзӕлтты Мӕскуыйы, кӕцытӕ ацӕудзысты уыцы бон.
