ЦХИНВАЛ, 17 авг - Sputnik. Хуссар Ирыстоны Хъахъхъӕнынады министрады ӕфсӕддонтӕ 15 августы ӕхсӕвы ӕрцыдысты Новосибирскмӕ Ӕхсӕнадӕмон ӕфсӕддон хъӕзтытӕ "АрМИ–2020"-ы хайад райсынмӕ.
Хъахъхъӕнынады министрады пресс-службӕ куыд хъусын кӕны, афтӕмӕй, хуссарирыстойнаг командӕ фыццаг хатт хайад райсдзӕн конкурсы "Отличники войсковой разведки".
"Уӕрӕсейаг фарс фембӕлд не ‘фсӕддонтыл бӕрӕгбонон уавӕры Новосибирскы аэродромы – сӕвӕрдтой цытджын хъарагъул, афтӕ ма ӕфсӕддон оркестр сӕххӕст кодта Республикӕ Хуссар Ирыстоны Паддзахадон гимн", - дзырдӕуы хъусинаджы.
Ӕфсӕддонтӕн ауагътой экскурси Новосибирскы – Хӕстон кады музеймӕ ӕмӕ ӕндӕр бынӕттӕм.
Абонӕй фӕстӕмӕ Хуссар Ирыстоны Хъахъхъӕнынады министрады командӕ райдайдзӕн цӕттӕ кӕнын конкурсмӕ.
"Конкурсы фӕлгӕтты уыдзӕн раргъӕвдзысты десант ӕмӕ сараздзысты марш-бросок, афтӕ ма дзы уыдзӕн разӕсгарджытӕ-специалистты конкурс, ӕхстытӕ ӕмӕ разӕсгарӕн къорды рацыд рӕвдзыты бынатмӕ хӕслӕвӕрдтӕ сӕххӕст кӕныны нысанӕн", - банысан кодтой уагдоны.
Конкурс "Отличники войсковой разведки"-йы бӕрӕгбонон баконд ацӕудзӕн 23 августы Новосибирскы уӕлдӕр ӕфсӕддон командон ахуыргӕнӕндоны ахуырадон комплексы территорийыл.
Хуссар Ирыстоны хъахъхъӕнынады министр, инӕлар-лейтенант Гассеты Ибрагимы фӕхуыдта Ӕхсӕнадӕмон ӕфсӕддон хъӕзтыты хайад райсынмӕ уӕрӕсейаг хъахъхъӕнынадон уагдоны сӕргълӕууӕг Сергей Шойгу.
