ЦХИНВАЛ, 19 авг - Sputnik. Уӕрӕсейы чемпионат уӕгъдибар хъӕбысхӕстӕй, кӕцы ацӕудзӕн 9-11 октябры Дзӕуджыхъӕуы, гӕнӕн ис ацӕуа ӕнӕ кӕсджытӕй, фехъусын кодта Цӕгат Ирыстоны физикон культурӕ ӕмӕ спорты министр Хуыгаты Алан.
ПТРК "Алани" куыд хъусын кӕны, афтӕмӕй Хуыгаты Алан банысан кодта, ӕмбӕлон рекомендацитӕ кӕй райстой Роспотребнадзоры, уымӕн ӕмӕ адӕмы массон ӕмбырдтӕ пандемийы рӕстӕджы сты тӕссаг.
Ацы фарсты фӕдыл скъуыддзаг рахӕсдзӕн УФ спорты министрад ӕмӕ спортивон хъӕбысхӕсты федераци.
Турнир хъуамӕ ацыдаид апрелы Бурятийы, фӕлӕ пандемийы тыххӕй йӕ аргъӕвтой октябрьмӕ ӕмӕ йӕ рахастой Дзӕуджыхъӕумӕ.
