ЦХИНВАЛ, 17 сен – Sputnik, Хъуылымбегты Азӕмӕт. Цхинвалы районы Залдайы хъӕуы уагъд цӕуынц ног хиды арӕзтадон куыстытӕ, фехъусын кодта Sputnik районы администрацийы Цӕрӕнуатон-коммуналон хӕдзарады хӕстӕ ӕххӕстгӕнӕг Уазӕгты Мевлуд.
16 сентябры 2020, 17:41
"Гӕбӕраты хъӕуы рдӕм хид ӕрцыд аварион уавӕрмӕ. Мах ӕй ныппырх кодтам ӕмӕ ныр райдыдтам аразын ног бетонон хид. Куыстытӕ фӕуыдзыстӕм ӕртӕ бонмӕ", - радзырдта Уазӕгты Мевлуд.
Уый бафтыдта, кӕй ма цалцӕг кӕнынц автомобилон фӕндаг Залдайы хъӕумӕ.
Районы ЦКХ хӕстӕ ӕххӕстгӕнӕджы ныхӕстӕм гӕсгӕ, уый размӕ сцалцӕг кодтой Уанат – Ортъеу, Уанат – Сацхенет, Кларс – Куриа фӕндӕгтӕ. Сцалцӕг кодтой Джеры Дзуармӕ фӕндаг дӕр.
