Хуссар Иры адарддæр кодтой медиктæн фиддонтæ коронавирусимæ тохы тыххæй

Бафыссын
НовостиTelegram
Республикæйы ныридæгæн рабæрæг ис 173 фæрынчынуæвæджы, æмæ кæд раздæры мæйты рынчынтæ рогæй фæрæзтой вирус, уæд фæстаг рæстæджыты та медиктæ хъусын кæнынц пневмонийы дæсгай цауты тыххæй

ЦХИНВАЛ, 14 окт – Sputnik, Козаты Диана. Хуссар Ирыстоны хицауад æртыццæджы рабадты хорзыл банымадта президенты æнхъарæн коронавирусимæ чи тох кæны, уыцы медицинон кусджытæн фиддонтæ адарддæр кæныны тыххæй.

Республикæйы сентябрæй фæстæмæ рæзы вирусæй фæрынчынуæвджыты нымæц. Карантиныл уал абоны онг сæхгæдтой цалдæр скъола æмæ сабидоны.

Коронавирус - Sputnik Хуссар Ирыстон
Хуссар Иры сбӕрӕг кодтой коронавирусӕй рынчынты рекордон нымӕц

"Рабадты рæстæджы бахастой ивындзинæдтæ хицауады уынаффæмæ медиктæн фиддонтæ фидыны тыххæй. Бибылты Анатолийы æнхъарæнмæ гæсгæ, медицинон æмæ æнæниздзинад хъахъхъæнынады къабазы æндæр кусджытæн фиддонтæ адарддæр кодтой 31 декабры онг", - фехъусын кодтой хицауады пресс-службæйы.

Раздæр хицауады уæнгтæ снысан кодтоймедиктæн уæлæмхас фиддонтæ пандемийы рæстæджы уæлвæткон куысты тыххæй. Уыцы нысанæн хицауады резервон фондæй хицæн æрцыд æхсæз милуан сомæй фылдæр.

Ног хабӕртты лентӕ
0